Triple O @ IFC

八月十三日    晴  酷熱


今日去IFC行商場, 行完先發覺個場真係好不適合一般普羅大眾, 尤其係我這類死窮鬼, 不過如果係食個快餐都總算勉強負擔得起, 講的當然不是M記之流, 講的正是Triple O.

高檔地方

Triple O 係源於加拿大, 都有幾耐歷史, 在加國佢原本係做西餐廳叫White Spot, 之後再做埋快餐店叫Triple O.  好耐以前去過White Spot一次, 印像麻麻.  不過Triple O就不同, 想食junk food又就腳的話我多數會來.

點了雞柳套餐, 薯條轉凱撒沙津, 再加個牛肉汁.  我每次都係叫這個, 不是這裏漢堡難食, 而係細時成日食, 食到厭.  至於冇要薯條係因為其質數已每況愈下, 只係好過M記而已, 至於個牛肉汁係配雞柳用.

個餐好快上枱, 這裏沙律菜算幾新鮮, 好做未失過手.  個沙津醬就味道正常, 份量剛好.  這個沙津用上好多芝士碎, 所以食落好香口, 整體算不錯.  再食雞柳, 有些少乾身, 應該係雞柳身簿原固 (我覺得金鐘太古店的雞柳品質最好, 食親都未試過失手).  好在有牛肉汁點, 今次個汁幾厚身, 夠濃味.  這個食法冇乜人會做, 但校果一流.

好飽, 繼續行街, 幫助消化..........