住家菜＠CWB

八月四日    晴 酷熱




今日食完個失望午餐, 決定要食個正晚飯保數, 開頭諗住去越華會, 但友人提議去這裏, 反正好耐冇來過, 一於gogogo.

都好家常

住家菜固名思意當然係食家常菜, 印像中佢地老火湯做得不錯.  今晚來得早, 所以不用等位, 好快有得食.

是夜例湯係霸王花煲排骨, 一飲就知老火, 夠清甜, 係爭在湯渣比較小.

豉汁蒸王花魚, 王花就真係好耐冇食.  魚蒸得剛好, 而魚肉亦夠滑, 不過王花魚味不足, 要用上好多豉椒同蔥吊味.

蒜蓉炒涼爪, 涼瓜炒得爽口又不太油, 不錯!

蝦仁炒蛋, 蝦冇乜蝦味, 蛋炒得有點過火, 九王如果再落多些會較好, 最大問題係好似冇落鹽, 不過都算大碟.

醬爆中蝦, 夠鑊氣, 不過又係蝦味不足, 但好在有醬汁吊味, 都算香口.

米酒雞, 係米酒煮雞, 入面加了些雲耳, 有些似雲耳蒸雞加米酒上湯, 香係好香, 不過雞冇乜雞味同埋雞肉冇酒味, 應該係煮冇耐不入味所致.

今餐算係中規中矩, 係蝦不夠味, 雞要煮耐些而以.