可能臨晚食得太肥膩, 攪到今朝個胃有些不息, 本來今日重想去食拉麵, 睇怕都要延朝. 因要去CWB辦事, 諗住清清地就走去根記開餐.
如果有食開素的港島人應該對佢不會陌生, 亦相信佢應係第一代非西方及宗教素食店. 這店週日午飯時間通常爆滿, 週未晚飯也相當熱鬧.
今次叫了三餸一湯, 食感如下:
東瓜雪耳湯 - 好清甜潤喉, 湯料份量多, 不過偏淡, 如有需要請自已加鹽.
芽菜腐皮木耳 - 芽菜份量比腐皮木耳多, 烹煮得剛好, 芽菜算爽口, 味道清淡.
黃牙白東菇粉絲 - 繼續清淡, 黃牙白同粉絲煮得淋但不霉, 東菇份量好小.
翠玉瓜素肉 - 最淡, 素肉份量小, 翠肉瓜多而爽口.
如果想清清腸胃, 減肥或為注重健康者, 此處正是你的天堂. 重口味的都係過隔離比較適合.
沒有留言:
發佈留言