八月下旬 陰天
友人從內地到訪, 今晚就盡盡地主之誼, 來這裏豪一下
八月下旬 陰天
之前真係食得太多, 今晚又有飯局, 今餐都係食得清淡些為妙.
八月下旬 天陰
食完餐飯己經好飽, 點知重有人提議去食甜品, 都過哂發育時期都重有如此胃口, 厲害!
八月下旬 陰天
是日友人牛一, 本來諗住食 prime rib, 但記得這裏豬手都不錯, 問主角意見, 佢都舉腳贊成, 最後一致決定來這裏.
八月下旬日 陰天
今晚慶祝友人生日, 約去老蘭食飯. 因為未齊腳, 所以就來這裏飲番杯.
八月二十九日 晴
又係新的一天, 今日會比較忙, 所以早餐要食得豐富一點. 前一排見食網介紹過此店, 而且評價幾好, 況且返工途中會經過, 試試都無防.
八月二十八日 陰天
今日週未比較清閒, 想去飲茶, 本想去蓮香但又怕太多人太迫, 想揾間清靜些少, 諗起附近有間聚點坊, 一於去試試佢.
八月二十七日 晴
可能臨晚食得太肥膩, 攪到今朝個胃有些不息, 本來今日重想去食拉麵, 睇怕都要延朝. 因要去CWB辦事, 諗住清清地就走去根記開餐.
八月二十六日 陰天
今日打完波, 肚餓非常, 有友人提議去打冷, 之前記得這處質數不錯, 就帶隊來食番餐.
八月二十六日 陰天
今早起身頭痛非常, 屋企又冇止痛藥, 唯有頭暈暈走落街買順便食個早餐.
八月二十五日 陰
由於之前食得不夠痛快, 再接再勵地揾食. 記得附近有間維記, 都好耐冇去過, 一於去補飛.
八月二十五日 陰天
今朝心血來潮好想食蛋牛治, 第一間就想起新香園, 決定山長水遠都要去一躺.
八月二十四日 晴
下午回家途中, 匆匆一餐.........
八月二十日 晴
今日晨早外出影相, 去到上環諗住食個早餐先, 但又不好早餐ABC的我又不想食粥, 老麥就更加不在考慮之列. 記得附近好似有間食豬排麵好出名叫科記, 就打算一路影就一路揾.
八月二十二日 晴
今日胃口欠佳, 諗住求其食碗米粉充飢算數, 此店以前來過數次, 印像不錯, 今次再來encore.
八月二十日 晴
剛剛睇完波, 有些肚餓, 但一陣有飯局, 不能食太多, 諗起樂園在附近, 整番碗淨牛丸都好.
八月ニ十日 晴
各位看官, 你們冇睇錯, 下面那幅相的確係麥奀記, 而我個標題亦冇寫錯, 係麥文記. 事原係今日諗住去麥文記食豬手麵, 但就行行下傻下傻下走了入去麥奀記. 可能我真係好小去麥文所以冇為意 起初坐底時都冇覺得有問題, 但一睇張餐牌就知出事. 不過心諗又幾想食牛根, 最後都叫了碟牛根撈, 諗一陣先記番起之前睇食網話麥奀在佐敦開了分店, 原來就係這間, 居然重開在麥文隔離, 認真夠薑.
八月十八日 晴
今日路經此店, 冇可能掂行掂過, 梗係要幫稱一下.
八月十七日 晴
今日要過中環開會, 之前諗住食碗麵, 但天氣實在太熱, 結果都係食塊pizza算.
八月十六日 晴 酷熱
今日去了皇室堡睇相機, 之前去了這裏醫肚, 食佢原因係因為難得不用等位.
八月十五日 晴 酷熱
天氣繼續炎熱, 真係熱到不想外出, 但這諗法係不切實際, 與其逃避, 不如面對, 況且今日天氣真係好好, 外出走走, 出身汗, 也不壞.
 |
| 門口開陽 |
六月十四 熱
好耐冇食過台式料理, 見某食網近來對這店評價不錯, 所以今晚特意走來試試.
八月十三日 晴 酷熱
今日去IFC行商場, 行完先發覺個場真係好不適合一般普羅大眾, 尤其係我這類死窮鬼, 不過如果係食個快餐都總算勉強負擔得起, 講的當然不是M記之流, 講的正是Triple O.
 |
| 高檔地方 |
八月十二日 晴
今日在CWB剪完髮後週圍揾食, 諗住去時代走走, 經過登龍街見到這店, 記得佢食評不錯, 我之前又未來過, 一於入去試試.
 |
| 招牌幾....... |
八月十一日 陰天
今朝見個天冇乜雨落, 就拿拿臨落街食個粥順便買餸.
.
 |
| 晨早食粥精神好 |
八月九日 陰天
這幾日股市低迷, 攪到連我都冇乜心機, 心諗不如收拾心情去中環影影相揾食好過.
影完一堆爛相之後已經大汗臨離, 人已經開肚餓, 走到去九如坊諗住食碗九記腩伊, 點知未開門, 但又不想去對面熱辣辣食茄牛通, 再行過小小見到八千代有開, 就一枝箭衝入去.
八月八日 天陰
今日去灣仔打書釘, 路經此店, 入去整番碗粉.
八月九日 陰天
 |
| 紀念日 |
八月四日 晴 酷熱
今日食完個失望午餐, 決定要食個正晚飯保數, 開頭諗住去越華會, 但友人提議去這裏, 反正好耐冇來過, 一於gogogo.
 |
| 都好家常 |
八月三日 晴 酷熱
今日心血來潮想到西貢影影相, 順便去這裏醫肚.......
 |
| 門口 |
八月一日 晴
今日見不氣不錯, 就晨早出去走走影影相順便食個早餐. 諗住去齋鋪食個粥加兩條鮮竹卷, 點知早得滯未有. 結果最後來到附近的新嘗滿...........
