剛剛睇完波, 有些肚餓, 但一陣有飯局, 不能食太多, 諗起樂園在附近, 整番碗淨牛丸都好.
樂園牛丸有幾出名不用我多介紹, 而店內食客亦不讓本地人專美. 內地, 台灣, 連老外都識來光顧, 其品質及宣傳攻勢可見一斑.
上次食過牛丸, 牛味足但不甚彈牙. 今次叫了淨牛根丸加通菜, 睇睇有冇驚喜. 食物好快上枱, 牛根丸外型粗糙, 賣相都對板. 一口咬下, 算彈牙, 不過彈力略嫌不足, 但相比此處牛丸己有過之, 至於牛味就相對失色, 真係有一得就有一失, 未能達志完美. 湯底係用魚骨煲製, 味較清淡, 不過算鮮甜. 通菜有些似整定, 比較乾身, 腐乳醬味道不錯.
沒有留言:
發佈留言