新香園＠SSP

八月二十五日    陰天



今朝心血來潮好想食蛋牛治, 第一間就想起新香園, 決定山長水遠都要去一躺.

早上七點幾已經差不多滿座, 這裏除了茶記食品外重有粥粉麵供應, 都算多元化.  睇睇週圍, 多數都係食三明治, 應該都係蛋牛治多, 我當然亦不甘後人, 整番一份, 加杯凍檸茶.

檸茶先上, 茶味不濃, 檸檬亦比較酸, 整體一般.  蛋牛治好快上, 這店牛肉係用鮮牛而非鬼佬罐頭碎牛肉, 所以食落好滑.  不過今次炒蛋過了火, 炒到全熟而非半生, 影響口感, 而且蛋牛雖依然厚身, 但就細件了, 幸好味道還保持到, 不至於留下陰影.  睇來今次運氣不佳, 希望下次不會失望.