好耐冇食過台式料理, 見某食網近來對這店評價不錯, 所以今晚特意走來試試.
這店位於鵝頸橋底, 門口不大起眼, 好難想像會有多少街客, 因為連我專誠來訪都要揾了好一陣. 這店位於一樓右邊, 內部裝修簡潔, 原來店內不只供應台菜, 連日本菜也有一拼提供, 定位怪怪的.
侍應介紹一個二人套餐, 見內容豐富, 返正都亳無頭緒, 就點話點好.
 |
| 紅K頭 |
開胃菜係紅K頭, 此物其實係冰鎮紅蘿蔔加去核酸梅, 味道酸酸甜甜, 係幾開胃. 頭盤係三文魚刺身同鮮鮑魚, 三文魚係厚切, 所以口感實在, 魚本身亦新鮮, 不錯. 鮮鮑爽口彈牙, 但鮑魚味不足, 只屬一般.
 |
食完頭盤, 雞煲好快上枱. 個煲好香, 而且睇落都好吸引. 此店標旁用嘉美雞, 積雞係用自然方法養大. 好多人有錯覺覺得此類雞會比較有雞味, 其實不然. 試一口雞, 味的確濃厚, 講的係醬汁, 而不是雞味, 不過雞很惹味又係真的. 這煲除了雞, 其實重有年糕, 其口感煙韌, 配合其醬汁都算不錯. 雞食到大半時侍應就將其剩下的先舀起, 然後將剛送上來的稞條和上湯一齊放於窩中慢火煮熟. 煮好後試一口, 稞條得知係每天由台灣直送, 先別論這是否屬實, 不得讚其滑漏口感, 還相當有咬口, 而因為吸收了醬汁, 所以非常入味, 食到一半居然舌頭發麻, 奇怪點解現在先有此感覺? 對我來講稞條遠比雞件好味, 更有驚喜.
食完稞條其實己經幾飽, 見侍應開始將上湯倒至煲上, 火鍋料除後亦上枱, 以下係對這些鍋料的食後感:
1. 花枝丸 - 夠彈牙, 不過冇乜味
2. 貢丸 - 冇乜印像
3. 響玲 - 普通, 因食過更好
4. 生蚝 - 鮮味一般
5. 雞脾菇 - 正常
6, 牛肉併盤 - 欠牛味
整個套餐於上半場都算不錯, 但下半場就相對失色, 火鍋料真係缺乏誠意. 埋單七百幾, 算貴!
沒有留言:
發佈留言