是日友人牛一, 本來諗住食 prime rib, 但記得這裏豬手都不錯, 問主角意見, 佢都舉腳贊成, 最後一致決定來這裏.
如果只係門外行過會以為這店只係一間清吧, 其實裏面係一間幾別緻的德國餐廳. 友人曾經到德國工幹都話這裏非常地道, 所以有理由相信老細應係德國人.
我就叫了杯 Erdinger weiss, 口感滑, 夠麥香, 但有小小漏.
豬手先來, 份量好大, 重諗住我們得兩男兩女會否叫得太多. 但見友人們不停地食, 一路食一路話好食, 連最怕碘粉質的女仕們連薯蓉都不放過. 我就先來一口半肥廋豬手肉, 肉本身不夠軟熟, 但連脂肪一同食就剛剛好, 脂肪食落好甘香, 而肉亦醃得剛好, 不會過鹹, 豬皮有小小脆, 應係先烤後焗做法, 亦係最正宗. 薯蓉食得出不是薯粉加水造成, 口感相當之滑亦好香, 應係用了不小牛油同奶油. 酸菜煮得不過淋, 難得味道不過酸, 好食.
雜腸拼盤情況亦係一樣, 友人們都食過不停. 我反而覺得不及豬手, 腸不是自家製, 不過都算香口, 且份量夠多, 係送酒佳品. 最後我都只係食了三欵, 重係每欵一舊而以.
眾人已經食到好飽, 有人提議叫沙津, 見餐牌只得一欵可供選擇, 冇得揀. 沙津只係用普通生菜, 青瓜, 車厘茄配上芝士片, 火腿片及沙津醬. 生菜算新鮮, 火腿口感滑旦好鹹, 芝士有陣怪味, 沙津醬小, 有點酸. 此菜普通過普通, 可以叮走.
成晚最精彩係個豬手, 雜腸用來送酒填肚最好, 價錢亦相而.
沒有留言:
發佈留言