新嘗滿＠西環

八月一日    晴

今日見不氣不錯, 就晨早出去走走影影相順便食個早餐.  諗住去齋鋪食個粥加兩條鮮竹卷, 點知早得滯未有.  結果最後來到附近的新嘗滿...........







價錢平

好忙!

這粥店在西環都算數一數二出名, 就算今日好熱都仍然坐無虛設, 無他, 一來佢夠平, 二來食品質數不差, 三來份量夠, 就係這樣簡單. 

叫了碗皮蛋豬紅粥及炒麵.  麵先來, 這個係此店名物, 麵條比較幼身, 有些似米粉, 而就係因為幼身, 所以碟麵係沾上了好多醬油.  食一口, 醬油甜而不膩, 亦不太咸, 而且食完見隻碟都冇乜油, 有水準, 果然係名物!  至於個粥就粥底夠綿, 有好多豬紅及皮蛋, 我諗有成隻皮蛋份量, 豬紅多但就好散, 有些似雞紅, 比較失色.  個粥質數都算不錯, 最重要係食完冇口渴.