君豪＠堅尼地城

八月二十二日    晴



今日胃口欠佳, 諗住求其食碗米粉充飢算數, 此店以前來過數次, 印像不錯, 今次再來encore.

近幾年堅尼地城開了不小潮式魚旦粉麵店, 質數都不差, 此店係我比較喜的一間, 貪佢坐得舒服一點同埋佢個特製湯底.

見餐牌有爽腩, 就叫碗爽腩魚旦米, 佢話冇, 心諗我早上十一點來到你都冇得賣, 究境係不嬲都冇定係時有時冇.  小小失望下就叫了牛根魚旦米加碟通菜.  因為得我一枱客, 所以兩樣都好快上枱. 望一望, 我記得我係叫米粉而非麵, 我諗呀叔同個女侍應傾得太投入, 所以有些小心不在焉. 


此店湯底係用老雞同豬骨煲, 所以係幾清甜, 難得係同牛什魚旦拚在一起又出期地夾.  先試個湯, 水準伊舊, 不過食到有些小師父.  魚旦明顯縮了水, 夠彈牙但魚味不足, 牛根份量不小但夠淋, 至於個麵就實在太淋, 還好梘水味好小, 入到口.  通菜就一般, 腐乳醬味道有點怪.


一排冇來, 發覺食物有些退步, 減了些印像分.