各位看官, 你們冇睇錯, 下面那幅相的確係麥奀記, 而我個標題亦冇寫錯, 係麥文記. 事原係今日諗住去麥文記食豬手麵, 但就行行下傻下傻下走了入去麥奀記. 可能我真係好小去麥文所以冇為意 起初坐底時都冇覺得有問題, 但一睇張餐牌就知出事. 不過心諗又幾想食牛根, 最後都叫了碟牛根撈, 諗一陣先記番起之前睇食網話麥奀在佐敦開了分店, 原來就係這間, 居然重開在麥文隔離, 認真夠薑.
牛根撈好快上枱, 牛根份量比其他分店多好多. 麥奀的牛根腩一向都做得不錯, 食一啖, 水準伊舊. 再試一口麵, 好重梘水味, 如果係其他麵檔食到有我反而不會在意, 但麥奀記有就真係底打, 其梘水味之重真係好難接受, 我發覺麥奀的品管真係好有問題, 如果再不改善, 真係有辱祖先威名.
食完碟麵, 心有不甘, 就過隔離麥文記. 因為之前己經食過麵, 所以就叫了淨豬手. 麥文記其中一個我小來的原因係大部份食品我都不甚欣賞, 但豬手我就另眼相看, 二來係因為實在太多胆固醇, 只能小品. 豬手熱乎乎的送上, 眼看已知對板, 食一口, 豬皮連根爽口彈牙, 豬手亦炆得相當入味, 食完成口南乳香, 真不愧此店名物. 可借實在坐得太不爽, 只好急急食完, 怱怱離去.
沒有留言:
發佈留言