天氣繼續炎熱, 真係熱到不想外出, 但這諗法係不切實際, 與其逃避, 不如面對, 況且今日天氣真係好好, 外出走走, 出身汗, 也不壞.
 |
| 門口開陽 |
 |
| 張椅子好正 |
今晚約了友人在中環晚饍, 見重有時間, 就去McSorley飲番杯. 我通常一個人去SoHo區飲嘢都會來這裏, 一來貪佢夠靜, 二來佢食物質數不錯. 今日只係叫啤酒, 平時如果在此開餐會叫漢堡或炸魚薯條, 而這兩欵都係此店名物, 食得過. 這裏環境亦好, 係Irish Pub 風格, 這店有兩層高, 地方算大, 如果同三五知已來坐坐會幾舒服. 啤酒飲完, 晚飯去..........
 |
| 主廚 |
今晚晚饍地點係位於L.Place的Linguini Fini. 這新店近期人氣升得幾快, 而各網食評亦好正面. 睇店名已知這裏係食意大利菜, 尤其係標旁意粉. 一早已經想試試佢, 今日終於有機會.
準時到達, 友人居然重早過我. 這店原來有個規矩, 係未齊人不得入座, 同埋係冇得訂枱. 感覺同這店環境有些格格不入.
我們被帶入近廚房的坐位, 週圍望望, 環境算寬敞, 裝修簡潔, 最特別係廚房出面那張長枱, 於了一些調味料同配料, 方便菜烹調後加工, 幾有心思.
 |
| insalata mista |
 |
| 什菇意粉 |
 |
| 水牛芝士焗茄子 |
 |
| almond panna cotta |
望望個餐牌, 見此店食材都係用上有機本地農場蔬菜同非荷爾蒙肉類及雞蛋. 因友人係素食者, 所以今晚叫的都係一些素菜. 幸好這店素菜選擇都不小, 睇完成份餐牌, 就叫了caprese, 什菇意粉, 水牛芝士焗茄子同埋almond panna cotta.
侍應先送上餐飽, 食落應係法飽改板, 微温, 口感一般. 以下係各菜式食後感:
insalata mista - 有雜菜, 烤紅椒, 紅洋葱, 黑醋欖油汁. 這沙津比較普通, 我覺得會整得好過佢.
什菇意粉 - 食到有東菇, 牛肝菌, 蘑菇. 都幾野味, 意粉做得煙韌, 亦好新鮮, castelmagno 芝士效果不錯.
水牛芝士焗茄子 - 烤茄子被水牛芝士包著輕煎再灑上芝士碎再焗, 茄子比較淡, 不過外皮幾脆口, 焗芝士算香口, 芝士狂會幾受落.
almond panna cotta - 友人的甜品, 有試, 但話幾好味, 陳醋同杏仁果凍幾夾.
整體感境不錯, 尤其係環境. 食品都不俗, 價錢亦算合理.
沒有留言:
發佈留言