又係新的一天, 今日會比較忙, 所以早餐要食得豐富一點. 前一排見食網介紹過此店, 而且評價幾好, 況且返工途中會經過, 試試都無防.
這店需然不難揾, 但我想街客應該不多, 因為店面實不太吸引, 但我反而鐘意這類平實老店, 起碼食品夠紮實, 好過好多得個樣食店多多聲. 店內細小, 不過算光猛乾淨. 這處係主打豬什湯, 配料選擇分牛, 豬及丸類, 最後揀了豬粉腸, 鮮百葉, 魚皮餃米.
等了十分鐘左右先有得食. 碗粉份量好大, 配料好足. 湯試了好鮮甜且帶有一點點胡椒味, 豬骨應該用了不小. 豬粉腸外爽內粉, 灼得剛好冇
腥味, 不過食到一舊有苦味. 鮮百葉切得細片, 口感有些煙韌, 因冇味所以點些辣油同食會比較好. 魚皮餃應非自家製, 不過味道還可以, 不過不失.
不愧係多年老店, 食物質數高, 最正係個湯底, 好味兼食完冇口渴(我最怕), 可惜不能常食也.
沒有留言:
發佈留言