八千代＠中環

八月九日    陰天




這幾日股市低迷, 攪到連我都冇乜心機, 心諗不如收拾心情去中環影影相揾食好過.

影完一堆爛相之後已經大汗臨離, 人已經開肚餓, 走到去九如坊諗住食碗九記腩伊, 點知未開門, 但又不想去對面熱辣辣食茄牛通, 再行過小小見到八千代有開, 就一枝箭衝入去.

這裏環境簡潔, 屬於新派日式風格, 店面積雖然不大但就冇擠迫感, 感覺舒式.  睇廚房非常乾淨, 睇得出老細對衛生的執著.  被帶到吧枱位座下, 見有幾罐湯汁的東東放在一齊, 不知有否得賣.

前菜

冷麵

芥末八爪魚

因為實在太熱, 所以點了碟麻醬冷麵加一客芥末八爪魚.  先上前菜, 係豆角和筍漬物, 兩樣都比較普通.  芥末八爪魚就不錯, 夠新鮮夠滑, 但就覺得芥末份量不足, 可能要就番本地人.  麻醬冷麵賣相一流, 最絕係麵料同埋餐碟顏色係出奇地相配, 好有中華泠麵感覺, 我諗廚師在這方面係落過心思.  試一口麻醬, 麻醬味夠, 蛋絲切得好幼, 會錯覺以為係麵條, 係心機同手功作品, 青瓜絲清爽幼細, 木耳勝在份量多, 雞肉係同叉燒一樣做法, 味道清淡且硬, 蕃茄新鮮, 至於個麵就因為係冷食, 所以冇乜麵香, 蛋味也不足, 不過冷麵係這樣, 非戰之罪.  當所有配料撈在一起吃一口, 你會發覺嘴裏有著不同層次口感及復雜味道雜於一身, 這感覺非常過癮. 

好快食完個麵, 不經不覺這店已經滿座...........