甜姨姨＠天后

八月下旬    天陰


食完餐飯己經好飽, 點知重有人提議去食甜品, 都過哂發育時期都重有如此胃口, 厲害!

我對甜品一向冇乜概念, 友人話去這店, 我謂有跟大隊.  到時店內已經爆滿, 而門口亦有不少人在等位, 好不熱鬧.  見不少食家亦有來光顧過的報張貼在門口, 難怪如些多人, 明星效應果真利害.

芝麻豆腐西米露, 我冇試到, 不過友人話芝麻味好出好香, 雪糕亦夠香滑.

我就叫了椰汁豆腐花, 椰汁似刨冰多些, 味好濃, 溶哂亦不會水汪汪變淡, 致於豆花就比較散, 不過食到有豆味且口感幾滑.