火車頭＠灣仔

八月八日    天陰



今日去灣仔打書釘, 路經此店, 入去整番碗粉.

我一向對香港越南粉都有些偏見, 因為以前在美加讀書時成日食, 食到個嘴刁哂, 番來香港多年都未遇到過驚喜.

這店我係第一次光顧, 見裝修都係模仿火車站同車箱, 用色好舒服好match, 不錯!

睇睇餐牌, 最後都係點了佢名物火車頭.  等食期間順便睇了餐紙上有關火車頭的來源.  這個故仔未聽過, 想當年在外國食佢都不是叫火車頭, 他們都叫這味作特別牛肉粉, 我諗特別意思係解雜錦.  睇完剛好配料上桌, 有芽菜不過少了點, 有紅椒, 有金不換, 生菜份量適當, 不過就冇青檸, 有些奇怪.  以下係對碗粉的評價:

湯底:  得, 好耐未飲過如此濃厚的越南牛骨湯, 尤其湯底夠熱, 味道有層次, 真係牛得可以.

生牛肉:  過熟, 所以有些韌, 但夠牛味.

牛柏葉:  份量太小太細片, 冇口感.

牛丸:  應係自家製, 爽口彈牙, 好有牛味.

牛根:  最不濟, 最好炆多兩個鐘.


P.S. 佢個青檸梳幾好飲, 夠酸, 好醒胃.