聚點坊＠上環

八月二十八日    陰天



今日週未比較清閒, 想去飲茶, 本想去蓮香但又怕太多人太迫, 想揾間清靜些少, 諗起附近有間聚點坊, 一於去試試佢.

自從添好運的出現, 坊間近幾年都相繼開了不小點心專門店, 這亦返影了時下連鎖式酒樓點心質數有幾不濟.  所以話只要做得專門專注, 何愁冇生存空間.

此店地方雖小, 總算乾淨企理.  睇睇點心紙, 欵式不算多, 不過都好, 小店應貴精不貴多, 先保持到食物質數.  最終點了鳳爪, 蝦餃及鵪鶉蛋燒賣.

鳳爪一向係我至愛, 上枱時熱乎乎的, 但睇色水一睇就知有問題, 因太過鮮色, 似用太多染色體, 傳統係應該深啡色.  而且雞腳太細, 會影響口感.  至於味道就一般, 口感同味道不夠平衡.

蝦餃亦係滾熱辣地上, 整形雖小, 不過都見到有半隻蝦, 皮薄但可能蒸得太耐, 皮有些乾身, 而蝦肉亦係一樣, 幸好口感依然彈牙, 蝦食得出係新鮮, 冇被化學過.

鵪鶉蛋燒賣都有好多年冇食, 燒賣細小乾身, 剛好一啖一食, 蛋有蛋味, 肉都算爽口.

這店蒸點心時間有點問題, 整體質數有待改善.