今日去了皇室堡睇相機, 之前去了這裏醫肚, 食佢原因係因為難得不用等位.
鼎泰豐係台灣名店, 都不用我多介紹. 佢主打小籠包及擔擔麵亦廣受歡迎, 不過今次打算食另類一些.
 |
| 烤麩 |
 |
| 炖雞湯拉麵 |
今次點了我喜歡的烤麩, 見到有涼瓜, 重要係冰鎮, 要一碟來消消暑都好. 本來想叫排骨麵, 但見餐牌有味炖雞湯拉麵, 好奇底下就叫了一客.
烤麩同涼瓜先上, 烤麩其實係用麵根, 東菇雲耳再加上醬油烹煮而成. 麵根好有咬口, 其他配料亦煮得入味, 算不錯. 之後試件凍瓜, 煮得比較淋, 不過味道不錯, 充滿著涼瓜的甘同醬油的甜. 最後一味係炖雞湯拉麵, 睇落幾清淡, 試啖湯, 原來係雞酒, 雞酒係台灣普及湯水, 一般會用雞, 當歸, 紅棗, 杞子及酒炖成, 相當補身. 麵係擔擔麵, 好滑且有咬口, 至於雞因為係煲湯料, 所以比較鞋口, 這可以理解. 整體食物質數不錯, 有時在名店不一定要食名物, 另類一下反而有驚喜.
沒有留言:
發佈留言