卓記＠堅尼地城

八月二十六日    陰天


今早起身頭痛非常, 屋企又冇止痛藥, 唯有頭暈暈走落街買順便食個早餐.

卓記在堅尼地城都可謂無人不識.  一來老字號, 二來夠平, 而且食品質數不差.  所以幾乎係全天候滿座.  好彩今日有位, 立刻坐底, 叫了碗及第粥同炒麵.

炒麵先上, 份量好多, 如果係女仔淨食個麵已經好夠.  麵身口感不太淋, 且有點爽口, 芽菜大絛但份量略小.  整體味道就比較淡, 要狂加甜醬辣醬調味.  至於及第粥又係大大碗, 見到料重多過粥, 我都覺得有些誇張.  粥底非常之杰, 但又未算好綿, 食到有些小師父.  豬潤好大塊, 係厚切, 食落好鮮且爽口, 豬粉腸幾爽口, 肉片冇乜肉味不過就有好多, 肉丸大大粒但肉味不足, 豬肚又係大大塊而且都爽口, 豬心大大片且爽口彈牙, 最失敗係豬腰, 雖爽口但有陣壓味, 好彩佢淨係俾得一舊. 

最尾都要食淨, 下次淨係叫個粥都夠. 埋單二十四, 底到難.