今日打完波, 肚餓非常, 有友人提議去打冷, 之前記得這處質數不錯, 就帶隊來食番餐.
這處地方不大, 但環境尚算企理, 門外掛上各式食品, 賣相吸引. 今晚比較早到, 所以不用等位. 一坐底就立刻落單, 叫了鹹菜魚, 鵝片, 豬皮蘿蔔豬紅同大眼雞.
鹹菜魚先上, 鹹菜爽口不過鹹, 而且夠大塊, 可以食得豪邁些. 門鱔肉多骨小, 口感粗糙但有咬口亦彈牙且冇腥味. 可惜只得幾舊, 到喉不到肺.
鵝片切得大塊, 肥瘦適中, 口感軟熟, 鹵得入味, 不過鹹得滯, 拿來送飯比較好. 墊底豆腐睇落似豆卜, 腐皮內豆腐極小, 好彩味道尚算不錯.
豬皮蘿蔔豬紅係比較小見菜式, 一般都係得韮菜豬紅. 豬皮切細片爽口入味, 不過份量實在太小, 蘿蔔煮得不夠淋, 可能係太大舊的關係, 豬紅睇得出係正貨, 因宜家好多食店都會用雞紅代替, 一般豬紅係比較深色而且口感比較硬身, 這碗豬紅係合格.
最後試大眼雞, 魚算大條多肉, 食時尚有微溫, 魚肉算滑且有咬口, 配上鹵水汁吊一吊更加鮮味.
今餐整體質數不錯, 埋單二百幾算係合理.
沒有留言:
發佈留言