今日又熱又焗, 行一陣街已經成身汗, 一點都不似入秋時份. 攪到冇哂興趣食粥粉麵飯, 都係食返個沙津消消暑比較適合.
都好耐冇來光顧此店, 這裏環境其實幾舒服, 尤其坐近落地窗口位, 望出外面, 會有種遠離煩囂的感覺. 來這裏通常只會叫沙律, 今次亦不例外, 不過今次飲維他命水代替咖啡.
叫了個蛋螺絲粉沙律, Panzanella 雙拼. 螺絲粉沙律係用上酸醋加橄欖油做汁, 沙律有好多蛋, 重要係鵪春蛋, 不過因為係凍食, 所以冇乜蛋味. 粉係用上三色粉, 不過對味道冇影響, 口感就幾彈牙. 這沙津落了好多芫荽, 我對此物都幾抗拒, 所以食得有些不自在. Panzanella 係意式沙律, 其材料及做法同希臘沙津基本上差不多, 除了前者走了 feta cheese 不過就就多了 capers 酸豆. 三椒, 青瓜同蕃茄好新鮮, 感覺好清新, 加上用了酸醋加橄欖油做汁同埋酸豆, 令到胃口增加了不小. 大大碟沙律就在一個寧靜的環境下俾我掃光.
沒有留言:
發佈留言