達磨＠CWB

九月上旬    晴



今日去CWB買書, 近來得知達磨在附近開了分店, 特登一早就去免得等位.

因為係第一次光顧, 所以就好好奇地猛週圍望同影相.  發覺全店都充滿著達磨這個商標, 感覺有點硬銷.  其實只要食物品質好, 裝修簡單舒服己經足夠.  見餐牌選擇不多, 就點了此店名物一品豬骨湯拉麵加菁蔥同黑木耳.

拉麵等了十分鐘就有得食.  碗麵賣相精緻, 不過得比較的骰.  急不及待地加蔥及木耳.  先試啖湯, 不夠熱, 但豬骨味就好濃, 湯底好杰(因為湯不夠熱), 配上芝麻(疑似落了麻醬), 味道還可以.  麵食落分不到係那一派別, 好少食到拉麵係冇乜蛋香.  溏心蛋有小小溏心, 不過冇蛋香味, 不似係日本貨.  日式叉燒算厚肉, 不過比較瘦, 影響口感, 味道還可以.  豚角煮即係煮五花腩肉, 這個做得不錯, 脂肪同肉比例平均, 煮得亦夠淋且入味.  木耳太淋, 我比較喜歡爽口類.  橙色一小堆的係明太子, 撈到湯裏作用不大.

這碗麵水準只算好過合格, 扣最多分係個湯, 對我來講, 湯不夠熱, 係死罪.