樂農＠灣仔

八月上旬    陰天



今日繼續清淡, 因要留位應付週未飯局, 近期太暴飲暴食, 長此下去, 睇怕遲些真係要地獄減肥先掂.

灣仔區可謂素食者天堂, 不單食店多, 夠國際化, 價錢亦豐儉由人.  這裏開店已有兩年歷史, 生意亦越做越好.  尤其晚飯時段, 冇訂位真係諗清楚先來.  這店午餐係以快餐型式經營, 而夜晚則變成叫餸食飯的飯店. 

今日提早一點食飯, 所以店內連我只得三枱客.  今次揀了三個餸連湯加飯, 食感如下:

合掌瓜無花果五豆湯 - 夠清潤, 湯用了無花果所以幾甜, 五豆亦有助健脾胃及去濕功效.

涼瓜炒蛋 - 涼瓜不夠苦, 應該係出過水, 蛋有蛋香旦放得過耐, 有點乾及硬.

沙葛炒什菌 - 沙葛不太粉, 比較爽口.  什菌有草菇, 蘑菇及秀珍菇, 煮得偏淋.  整體味道還可以.

南乳煮齋 - 有蓮藕, 東菇, 黃牙白, 粉絲, 木耳及炸枝竹.  同以前有些不同, 今次比較煮得乾身, 山根轉了炸枝竹.  味道濃, 所有配料亦煮得入味.

白飯有添加到糙米及亞麻籽, 算係有些少纖維, 而飯亦有米香.

整體質數一般, 不境不是即叫即做, 這裏都係晚飯比較出色.