今晚約了友人食飯, 揀了久遺了的Life Cafe, 順便清清腸胃.
此店老細在南丫島起家, 南島書虫在該處歷史悠久, 亦算係早期比較出名的西方純素食店. 這裏裝修佈置都都比書虫雅緻, 始終客路不同, 但我反而喜歡書虫那種純璞, 自然的感覺. 這夜點了三道菜, 其中沙律同素塔都係必食, 另一樣係友人點的.
 |
| Life Salad |
沙律份量好大, 有什菜, 松子, 腰果, 雞豆, 粟米片, 豆蓉配以香草醬撈混. 此大雜燴本來平平無奇, 但因為香草醬新鮮夠香, 令到整個沙律生色不小.
 |
| Tempeh Burger |
Tempeh 係印尼一種大豆名稱, 經發酵後整成豆泥, 就係印尼人其中一種碘粉質來源. 因為口感似免治肉類, 所以素食店經常會採用. 豆本身冇味, 要依賴其他有味食材. 這道菜我只試過一點, 味道平淡旦有一點豆香, 口感似蓮蓉, 此物不是我那杯茶.......至於配菜反而不錯, 蕃茄什菜好新鮮, 薯條係用蕃薯做的, 炸得幾香口, 口感又真係幾似薯條.
 |
| Vegetable Tower |
主角終於上場, 這道菜絕對係此店名物, 環顧週圍, 幾乎每枱都總有一碟. 菜塔主要係由紅椒, 黃椒, 烤青瓜, 烤蕃薯及烤茄子組成, 且配上蕃茄香草忌廉汁及蘿勒葉. 整體味道都係偏淡, 不過食材就勝在新鮮及夠原味, 食素就是如此, 不能強求吧.......唯一不滿就係橄欖油落得太多, 不夠健康.
整體來講質數算好, 食肉獸遇意來清清腸胃, 亦算係對自已健康有所交代.
沒有留言:
發佈留言