今晚同朋友敘舊摸摸酒杯底, 因明天要早起, 不便去劈場, 就揀了這居酒屋落腳順便開埋飯.
 |
| 前門 |
 |
| 後門 |
這店係頭一次光顧, 見店內裝修係一貫居酒屋格局, 門口及裏面放了大量清酒, 地方不算大但就幾企理. 差不多全院滿座或吉位已被訂, 無耐下最後被帶到近後門門口位就座.
因係頭一次來, 所以叫乜毫無頭緒, 因友人不太肚餓, 我就健議不如叫些串燒燒物送酒. 睇睇個餐牌後點了清酒, 串燒拼盤, 燒秋刀魚, 炸墨魚咀, 炒野菜及侍應推介的炸魚.
已忘記這碟係乜魚, 食落口感味道有些似多春. 魚炸得出色, 做到外脆內軟, 而且一點油膩感都冇, 魚肉亦燒得野味, 非常香口. 此物送酒真係一流.
拼盤有牛脷, 豬腩肉, 雞軟骨, 雞皮及青椒. 牛脷不算好厚肉, 燒得外面不太乾身, 不太爽口, 旦肉汁豐富, 肉質亦好軟熟 豬腩肉燒得幾香, 因係半肥廋關係, 所以肉不覺得鞋, 而肥肉部份係燒致微焦, 食落非常甘香可口. 雞軟骨同雞皮就燒得過乾, 不過算香口. 青椒仔加上鰹魚碎係比較清新的一味, 感覺一般.
叫秋刀魚的原因只有一個, 因為係時令. 一拆開條魚香味即時四散, 見魚肉夠肥, 且魚脂甚豐. 食一啖, 魚油就開始在嘴裡滲透著, 魚肉口感果然夠肥一點都不鞋, 魚亦因為燒得香口所以不覺太腥, 真的做到齒夾留香. 這味絕對可以一食再食.
炸墨魚咀比我想像中細粒, 口感亦不夠爽, 不過勝在炸得香口, 用來佐酒還可以.
最後一味炒雜菜原來係連埋豬腩肉同炒, 肉份量不小, 椰菜連肉炒得好香, 菜好爽口清新. 此味作為一頓飯之終結非常適合.
食物質數相當不錯, 之後上網睇食評才發現原來此店有賣酒盜及螢光尤魚, 睇怕都要再來多一次.
沒有留言:
發佈留言