今日約了友人食晚飯, 見這店食評不錯, 就特登走來試試.
這小店好強調用上有機種植食材, 連飲品都係. 見食評甚至講到有機食物會比較好味, 其實不然. 有機食品只不過係用天然肥料種植, 的確係會比用化肥健康, 但味道方面又未至於有好大分別, 起碼不是個個都食得出. 是夜友人因係素食者, 所以就點了份豆付漢堡同南瓜派, 而我就揀了比目魚香草意粉及一杯白酒.
意粉賣相不俗, 比目魚煎得好香, 但就太過火, 要知道這種魚肉質好嬌嫩, 且好容易熟, 如果烹調時間洽當, 肉質會非常之滑, 亦因為魚脂比較豐富, 味道就有如食微煎過的吞拿魚腩般甘香. 小弟就曾經在加拿大食過一次比目魚fish n chip, 魚係嫩滑鮮味到無話可說. 不過是夜魚煎得太熟太乾身, 口感欠奉, 還好魚尚算新鮮, 味道不太差. 意粉好夠熱, 甚至覺得有些小鑊氣. 意粉口感未夠 al dante及有些小粉, 可能煮或炒的時開太耐又或意粉品質不夠好所導至. 香草醬應係同意粉落鑊一同炒過, 其實香草不應加熱烹調, 這樣會令香草變苦及令其香味揮發掉, 最好做法係炒完意粉後, 熄火, 再落香草醬撈混, 這樣做就可以保持香草鮮味同橄欖油不致被高溫所破壞其營養及光澤. 致於我叫的白酒就幾香甜, 口感幾順滑.
友人的漢堡賣相亦不錯, 我試了一件豆付, 豆味不算濃亦不甚香, 非常清淡. 看來這道菜都係以清淡為主.
南瓜派我冇試, 但友人話好重南瓜味.
這店我相信食材的確係花過心思, 但烹調技考就有待改進. 有機食材不便宜, 不要糟蹋它們.
沒有留言:
發佈留言