今日週未, 雖然天氣重係陰晴天定, 但心情卻係出奇地好. 興之所致, 想煲番個東瓜火鴨湯, 見好耐冇行過嘉咸街街市, 就決定走去買餸當做晨運順便食個早餐.
今日早餐想食粥, 要在中環揀其實不難, 這區粥鋪來來去去得個幾間, 但要講質數我會認為係這店. 這裏白粥以我食個多間來講算係最無添加, 冇用白果又冇腐竹更冇師父, 非常醇潔. 不過今日我反而想食有味粥, 所以叫了碗艇仔碎牛粥加炸兩.
炸兩先上, 一食入口就知出事. 炸兩係整定兼且己攤凍哂, 腸粉己不軟熟, 而油條亦已變淋, 如此質做又點會好食. 至於粥就好好多, 起碼夠熱又綿, 料就份量剛好. 豬皮爽口, 尤魚就有點腥, 碎牛冇乜味不過份量足, 有些少師父但不算多.
以前食炸兩係即叫即做, 下次都係睇清楚有冇整定貨先好落單
沒有留言:
發佈留言