今日特意走來試試魚旦, 原來佢重有賣牛什, 真係合哂心意.
在堅城食魚旦的地方有好幾間,基本上大部份都試過, 但就係冇試這店. 此店環境夠光猛, 睇落幾企理, 不過多坐一陣就發覺有幾隻蒼蠅週圍飛舞, 睇來衛生環境有待改善. 先叫個淨魚旦, 見到有牛什, 原來此店都有賣粗麵, 再加多個牛根撈粗試試.
撈粗先上, 份量夠多. 牛根切得細舊, 我比較喜歡大大塊上, 會食得過癮些. 味道偏淡, 但八角味就好重, 相信係鹵水汁不夠濃所致. 口感不過硬不過淋, 有些少煙韌, 不錯. 粗麵有蛋香, 好小梘水味, 麵質爽口彈牙, 加上腩汁, 非常美味.
魚旦雖係自家製, 但相信機器已代替人手. 雖然口感夠彈牙, 但魚味不足, 魚片情況亦係一樣. 湯底反而夠魚鮮夠甜, 但有好重薑味, 如果可以輕手些少效果會更好.
沒有留言:
發佈留言