今日去了官塘辦點事, 攪掂時已經到了食飯時間. 經過金橋, 走去食個開胃飯都好.
金橋在此區都有好耐歷史, 佢同附近的華苑對我來講都係食黃薑飯首選的地方. 這店係以快餐式經營, 地方亦好細. 午飯時間真係幾迫人 好似宜家, 我都要在三十多度天氣汗流浹背低下坐在外邊開餐.
叫了必食黃薑飯加辣, 今次老細好好人(其實佢不嬲都係), 俾多好多飯我. 飯伊然黃薑味十足, 配合炸魚仔花生同食好惹味, 層次豐富. 椰汁合掌瓜豆卜煮得剛好不太淋但又入味, 又係送飯佳品. 巴東牛肉好淋好入味. 雞今次比以往食不鞋口, 肉居然重幾滑, 不過味道就一般. 青瓜沙津酸酸的好醒胃. 一碟醒胃飯不到十五分鐘食完, 見人山人海, 不阻人做生意, 閃!
約了剪頭髮, 點知早到, 出面又熱辣辣, 就走入來消消暑. 之前食完黃薑飯, 有些少滯, 就揀了個素菜沙律清清佢.
這個沙津賣相不錯, 有三色椒, 生菜, feta, 炸薯仔粒, 洋蔥及雞豆. 最重要係個汁係用黑醋, 如些開胃菜真係最啱我. 生菜幾爽口新鮮, 三色椒就有些過淋, 芝士份量似有若無, 炸薯仔冇乜味, 其他都只係一般. 返而個黑醋就不錯, 小小甜而不太酸, 幾醒胃.
這裏環境不錯, 得閒走來叉叉電好過坐茶餐廳.
沒有留言:
發佈留言