今日去中環亂拍, 經過這裏順便食個早點.
由於這裏真係幾隱世, 所以一般都係做熟客多, 連返工客都甚少來食飯. 個環境與其話係酒樓, 不如叫飯店比做適合. 見店內食客大部份都係老人家, 而且大多都係一個人, 場面真係不勝希噓. 這裏侍應也有老店一般性格, 從不主動服務, 因為我係生面口嘛. 最後都係要大大聲叫茶叫點心.
先來一籠雞扎, 湯汁打芡幾厚, 食物係會滑些, 不過好少酒樓會用. 因為芡汁多, 所以炸枝竹好淋. 豬皮代替了魚肚, 係以前平民酒樓一般做法, 份量多但過淋. 雞肉作為主角係出奇地少, 味道只係普通. 火腿及粟米仔則正常.
鳳爪係一般酒家做法, 份量不小, 不過每一隻都好細且瘦, 味道濃但就咸了些少. 食完佢需要花一點時間.
對我來講食物質數只屬一般, 但我覺得老人家反而會幾受落. 雞扎的滑而淋, 鳳爪的濃味和細細隻易食, 不正是老人家致愛的口味嗎？ 不過埋單三十一呢個價就...........
沒有留言:
發佈留言