今日忽然有衝動想飲酸辣湯, 就到附近這店醫肚.
這區上海食店不多, 甚至可以話係好小. 此店都係之前坐車經過先知, 冇記錯這裏應該開業不足一年. 估不到地方都幾大, 環境算整潔. 見有拉麵餐同客飯, 款式都不小. 當然最尾都係揀酸辣湯麵.
麵餐係包埋豆漿. 豆漿飲落幾厚身, 好有豆味, 甜度剛好, 做得幾有水準. 酸辣湯麵份量好大, 不過係個麵, 湯就相對小得多. 麵係標旁即叫即拉, 不過食不出來, 因為麵口感太淋同好粉, 挾起時亦容易斷開, 有可能係師父手勢有問題. 酸辣湯不夠酸辣, 同個茨汁太杰, 似羹多過湯. 湯料欠了豬紅, 這個可以理解, 但連蛋花都冇就真係有點那過, 筍絲需多但冇味, 木耳份量太小, 不合比例. 如果食佢係因為想飽肚佢絕對合格, 至於味道就......這個湯令我諗起劣質碗仔翅.
沒有留言:
發佈留言