今日走去CWB街市買餸, 見近排睡眠不足, 又決乏湯水, 就走來強記補一補.
這店在CWB都算耐歷史, 亦係小有賣盅燉湯的燒味店. 不過如果睇埋個餐牌, 會發覺其實佢有做埋早餐及晚飯小菜. 這裏裝修係屬一般茶餐廳格局, 不過地方算大, 樓底亦高, 所以睇落幾寬躺. 今次來主要係飲湯, 見餐牌有個湯加燒味飯套餐, 最後揀了螺頭雞腳湯加叉燒燒鵝飯.
套餐好快有得食, 整體賣相好似很不錯.
先試試個湯, 味道鮮甜, 不覺有師父, 但就偏淡. 湯內放有好多湯料, 雞腳有三大隻, 雖然已經煲到冇味, 不過根位部份好好咬口, 好此道者會食得滋味. 螺頭切得細舊, 食落有些小腥味. 豬肉雖然係湯料, 但境然肉質嫩滑無比, 真係意想不到.
油菜幾甜, 菜梗爽口, 應不是整定貨色, 以茶餐廳來講已經收貨.
叉鵝雙拼睇落對板, 但當揭開睇清楚肉質時就覺得好有問題. 燒鵝肉好乾身, 皮下一點脂肪都冇, 口感有如食柴皮, 有理由相信鵝係隔夜貨. 至於叉燒就好些小, 起碼有幾舊半肥廋肉質夠嫩, 但其餘都好硬身, 對我來講係入不了口.
今次燒味認真失色, 下次再來都應該係淨飲湯算數, 食燒味寧願去海記惠記.
沒有留言:
發佈留言