愛家

二月二十四日  陰晴不定



天氣續漸回暖, 胃口開始變得細番, 又前排食得油膩食品太多, 所以諗住今日食素清清腸胃.  灣仔素食店有不小選擇, 本來想去 Zambra, 但行過見到這間愛家, 記得佢都係素食店, 而且我又未試過, 見入面環境幾討好, 就走了入去醫肚.





地方幾企理

這店應該係開了冇耐, 見入面裝修都算新淨, 佢個模式有一些似大家樂, 一入去就見到一排餐牌, 隔離就係收銀處, 收銀處下面重見到有些素食貨品可以買番屋企, 再行個此見到有兩個冰櫃, 原來佢連急凍食品都有得賣.  最後睇睇個餐牌, 選擇都算多, 最後揀了個是日套餐.





套餐全相

叫了一個套餐 D:

1.  節瓜什豆湯 - 幾清甜, 湯料有節瓜同紅蘿白.

2.  籮白枝竹炆素肉 - 以素菜來講佢算味濃, 籮白幾入味, 枝竹幾
     爽口, 素肉就冇乜肉味但口感幾似.

3.  紅糙米, 雜菜 - 飯夠軟熟乾身, 什菜都幾新鮮.



總括來講因為食物係整定哂, 所以只能當佢係快餐店質數, 如果食品可以熱番一些就好了.  其實這店坐得幾舒服, 食物質素如可改善一下應該會幾受歡迎.