近來不知何固每樣事情都不太順利, 真係有點灰. 約了朋友出來訴苦, 決定一醉解千愁.
當然解千愁之前最好食番一點東西打底. 小弟一向細食, 尤其大戰前夕更不可多吃, 就求其去了源記食碗淨根腩.
 |
| 多元化茶記 |
源記在尖沙嘴已經有好耐歷史, 赫德道分店更是當年夜蒲一族的至愛. 佢最出名係牛什, 但係見餐牌會發現食物種類好多, 早餐至燒味都有, 最大原因係佢同七十一一樣都係開24小時.
 |
| 份量算多 |
我通常食有湯餸菜都會試啖湯先, 因為湯底好其他應該差不到那裏. 碗淨根腩湯底幾濃但係食到有些少師父, 不過都未至於確喉, 算合格. 牛腩係瘦多肥小, 瘦位比較un, 肥位就剛剛好, 牛根好淋, 有些入口即溶感覺, 不過師父切得太細舊, 影响了口感. 下次都係叫肥腩比較穩陣.
 |
| 牛丸好大粒 |
友人叫了牛丸河, 這裏的牛丸未試過, 但一睇就知非自家手打, 所以沒有試食. 友人話牛丸一般, 係大路貨. 唉, 你囉佢同樂園比點比呀. 佢都話湯底不錯, 但河粉就淋了些.
 |
| 好耐未食過 |
真係唔認老都唔得, 以前千杯不醉的我現變了一set即醉, 不過心情就好了不小, 半醉地埋單走人, 一出門口, 行行吓, 友人就話不如食宵夜. 我本來想借醉鬆人, 但佢話去食kebab, 咦, 又真係好耐未食過, 我諗都有成年, 最衰就係己經企在門口, 是但啦.
我第一次食kebab就係去Ebeneezer, 佢都算係土耳其快餐店元祖, 第一間店位置在亞士厘道, 近年發展得好快, 已經開了多間分店, 在尖沙嘴及灣仔同類店也真不小. 以往kebab係只有西人至識食, 可能分店多開了, 連港人也開始留意到, 亦非常受落.
 |
| 咖哩羊 |
我未至於係個羊痴, 但食土耳其菜我只會食羊, 因為羊係土耳其人主要肉食, 烹調方法應該係肉類中最好. 以前在此只食過kebab, 今次叫多個咖哩羊試試. 這個菜係跟飯, 而飯睇個樣似係印度long grain 米, 此米比泰國米長身, 口感比較煙 un , 亦好飽肚. 咖哩汁非常香濃, 有些辣, 食了一陣成個人醒番, 係酒鬼恩物. 羊肉煮得好淋, 亦好入味, 我鐘意食夠羶的羊, 可能咖哩汁太濃味蓋過了羊羶味, 覺得羶味不足.
 |
| 份量縮細了 |
其實食完個飯已經幾飽, 但點都想食埋個kebab先心息. 條羊肉kebab比以前細小, 想係降低成本, 香港租金真係太貴啦. 味道依舊, 羊羶味依然, 雖然細了, 但品質維持到, 算難得.
沒有留言:
發佈留言