今日早上得番9度, 本來諗住食番煱肉骨茶或者蛇羹暖暖身, 不過發覺前排先食過, 最後决定到中環SOHO一帶走走揾吓嘢食.
我好小可週未行SOHO區, 先發現原來呢度有好多人行街, 西人,本地人及自由行一街都係, 好不熱鬧. 可能選擇真係太多, 一時間真係好難揀吓. 行吓行吓見到麥奀記, 又好似好耐未食過細蓉, 就入去整番碗暖吓肚.
 |
威靈頓街總店
|
呢度嘅麵一向係以奀出名, 真係唔明點解重有人話佢食唔飽人, 其實云吞麵根本就唔係正餐嚟. 店內只有一枱客, 可能時間尚早. 叫了細蓉, 等一陣就到. 飲啖湯先, 發覺冇以前咁濃味, 不過我又唔介意, 反而覺得宜家就剛剛好, 但今次個湯底唔夠熱, 有點美中不足. 至於個麵就同以前一樣, 呢度嘅麵唔似得佢大佬忠記咁爽口彈牙, 不過蛋香伊舊, 唯一問題係佢比較快淋. 三爬兩潑, 放低三十, 走人.
 |
真的很奀, 但可接受
|
如果我話你知我飽嘅話就肯定係點你. 我通常食完奀記後多數要補飛, 所以街繼續行, 嘢食繼續揾. 一路行到伊利近街, 記得有間bar叫McSoley嘅漢堡唔錯, 諗住去試吓, 但係又怕份量太多食唔倒, 最後SOHO就行完, 但係就冇收獲. 結果都係返屋企, 順便去超市買糧. 途中發現有間KFC, 心諗今次有
著落啦.
 |
| 最佳配搭 |
我一向好小食junk food, 但係KFC係一個例外. 最主要原因係佢嘅食物比較正氣. 雞上脾就雞上脾, 雞胸就雞胸, 童叟無欺. 而燒雞亦同埋原味雞就係我的至愛.
沒有留言:
發佈留言