今日走了去安利買麵, 順便週圍揾飯食, 但昨天死食難食到宜家重好滯, 都係去食番些素清清腸胃. 第一間諗起就係寶蓮苑, 其實附近都有幾間素食店, 不過都係西式, 今次都係食中式比較對胃口.
 |
| 有盆菜和派對拼盆 |
 |
| 外賣部都有不小貨品 |
這店在上環都有一段歷史, 附近傳统齋鋪就只有這一家, 所以逢初一十五係例爆. 店入面除了樓面重有外賣點心同一些乾貨及調味料可供選擇, 而比較特別係佢連派拼盆都有做, 我諗係供應俾附近一些佛堂或素食者派對用.
 |
| 份量好似好多 |
今日天氣有些涼, 都係叫個煲仔比較好, 因為無耐前先食過南乳粗齋煲, 今次都係食羅漢齋煲好些. 可能因為早到所以個場冇乜人, 所以個煲好快就上到枱. 不知是否錯覺, 總係覺得個煲細了些, 不過味道還可以. 近年可能係因為健康理由所以好多素菜慣有的鼻涕芡汁巳經己近絕跡, 而這個煲亦不例外.
好快就食完個(以前係食唔哂), 感覺依然空虛, 相信又要到附近補飛啦. 收72蚊的確係有點兒......
沒有留言:
發佈留言