心血來潮的一天

五月十八日  晴


今日去了官塘辦事, 做到成十二點, 記得好耐無去過華苑, 就走去醫肚. 

十年如一日

去到見倒個外觀同以前差不多, 除了右邊記得以前係有個位擺外賣乾貨逍失了.  其實官塘都就來重健, 重可以有乜變化呢.

除了價錢其他如一

入到去一切如舊, 返而仲好, 因為我以前係住在附近, 所以個環境重俾到我些少回憶.  睇睇餐牌, 加價了, 但不多, 可以接受.  這些老店都係有良心的, 起碼不會難位熟客先.  這店其實來過多次, 亦試過大部份菜式, 但食得最多都係黃薑飯及炒貴刃, 因為這兩味都各有千秋地好味, 所以每次坐底都頭痕一陣.  今次決定揀黃薑飯, 貪其餸料欵式多.

水準伊然

好快就有得食, 樣子伊舊, 除了飯比以前小了點.  不過今次個飯係熱的, 記得以前都係暖, 但熱返而重好食, 因為熱力可以令個飯同料更香, 增加食慾.  巴東牛肉好淋好入味, 撈飯一流.  青瓜清爽, 合掌瓜清甜.  辣醬花生又係撈飯佳品, 炸薯球我一向不好此物, 至於烤雞就一向度度食都乾同鞋, 所以無得比較.  碟飯好快清光, 証明又係上佳之作

回憶1



回憶2

回憶3

食完之後到處走走, 真係好有感足, 以前上圖(1, 2)晚上有好多大排檔, 通常都係賣小炒之類的食品, 記得細個時屋企人好鐘意帶我來食宵夜.  這裏幾乎每一檔都有炒蜆同東風螺食, 且每檔質素都有番咁上吓.  但係我反而最愛食係車仔麵, 以前圖1個位置有一檔係超好味的, 宜家同以前的真係無得比.

第一次光顧

懷緬一倫之後就繼續上路, 下一站就係去張榮記買麵.  因為年紀漸大, 想食得健康些, 近年己少食公仔麵, 但我係愛麵之人, 早餐無麵重慘過無得食.  以前我很喜歡食台灣麵, 但近年就多食蝦子麵.  我第一次食有水準的蝦子麵就係有記同廣利, 之後發現安利麵更好, 以後就做了佢長期客仔.  近排睇雜誌話這店 的麵都有料到, 所以就專程來掃貨.

張榮記有好多不同欵式的麵, 就連蝦子麵都有三四種.  最後買了金方蝦子麵, 蕃茄麵, 螺旋藻麵同埋牛肝菌麵, 今次真係有排試, 有機會會分享食後感.

留番下次參觀



外觀不錯





減壓中

今日下午天氣繼續絕靚, 就返屋企放低於戰利品先, 去久違了的赤柱 hea 吓. 因為係長途巴士同埋等了很久的關係, 去到己經成五點, 不特止, 天上已經滿佈白雲, 似會有下雨之像, 真係二話不説, 拿出戰機（相機）就起勢影, 影到差不多六點, 終於手軟. 去大街睇睇有乜地方飲番杯啤酒, 最後落腳於 Pickled Pelican, 我都係第一次光顧此店, 地方都幾舒適, 坐在店外吧枱吹吹風, 週圍望, 上上網又真係幾寫意, 尤其今日係週日, 好小人, 夠靜！啱我！點了杯嘉士伯, 本來想飲Stella, 不過無生啤, 有點失望. 睇睇餐牌, 見有欵不知名雞脾仔, 就叫了一客試試.

好壞參半





小食上枱, 賣相不俗, 但食落先知出事.  雞係急凍貨色, 這個可以理解, 不過食到有雪牀味就不可寬恕, 最弊雞本身不夠熱, 更加突顯其雪味, 雖然用上好多BBQ醬汁但都於事無補.  其實醬汁味度不錯, 如果可以炸耐一些同埋趁熱上枱就完美.

有些似佢

飲了兩大杯, 腳步浮浮地離開..............