Enoteca@SOHO

二月ニ日  睛


今日约了朋友食午飯, 因友人在中環工作, 佢話去Enoteca, 我又未去過, 就咁決定！


因為提早到步, 所以到附近Pacific Coffee坐底飲支Lemonade, 都唔錯喎, 感覺天然, 冇乜味精.



係幾新鮮

夠鐘走人, 找了一陣, 原來佢在七仔斜對面.  這店不大, 但算係骨子, 有地中海風格(因為佢係意大利餐廳), 唔錯!  友人話此店原來係米兹蓮推介, 真係失覺.  睇了份set lunch menu, 最後點了:


頭盤:   basil with fish
            mix green with gorgonzola


主菜:   fish and chip
            mixed mushroom with polenta

basil with fish

我選的頭盤係香草魚, 其實佢係炸香草魚餅, 無甚魚味, 不過算香口, 自家製tartar source反而不錯.



mix green with gorgonzola

友人個沙律都算不錯(佢話), gorgonzola 芝士應記一功.



餐前飽點

成間店先得一個侍應, 餐飽遲上係意料之內, 我見佢忙到咁重好好笑容, 真係嬲佢唔落.  兩片包其實幾好味, 不過己經唔熱, 可惜!  至於bread stick 就正常.




fish and chip

我的主菜係炸魚薯條, 可能係因為午餐不能收貴的關係, 所以魚係用龍利柳, 不過烹調技考就真係不錯.  龍利因為魚味不足, 廚師就用了香草去吊味, 而且塊魚柳炸得真係做到外脆内軟, 彌補食才的不足, 而薯條係厚身類形, 要清碟真係不易.




 mixed mushroom with polenta

因友人係素食者, 所以點了這道菜.  polenta 係粟米蓉, 意大利人的飽肚食品, 同美國人的薯蓉類同.  什菇尚算新鮮, 但加埋個白汁又真係幾漏.




整體食物不錯, 但我反而對佢個dinner menu有興趣多些.