今日諗住去樂農食午飯, 行到樓下先諗起星期六係冇套餐. 週圍行了一陣, 記起好似附近有間叫 Life Deli 的素食店, 心諗我又未去過, 不如就走去試試.
 |
| 門口真簡潔 |
 |
| 健康快餐 |
 |
| 新增說明文字 |
這店以為好難揾, 其實又唔算. 不過因為門面不算突出兼且又細, 所以有機會會眼大睇過龍. 門面細, 内籠都係一樣, 只有吧檯同五張高凳. 店內有兩個貨架專賣健康食品, 成個格局正正就係中環 Life 樓下那種, 那當然, 同一個老細開, 不過這間就主打外賣客.
睇睇個食物櫃, 其中一個見到有幾種沙律同蛋派, 而另一個就放了幾欵甜品. 或者我係諗得太耐, 有個員工走來介詔, 話沙津可以揀三欵或五欵一 set, 最後我揀了三欵同埋一個菠菜蛋派.
 |
| 好似得兩種 |
 |
| 第三種在底 |
我揀的三欵沙津分別係:
1. 西蘭花車厘茄- 這個最清淡, 全無醬汁, 只有小量橄欖油, 西蘭花同車厘茄同樣新鮮
2. 炸豆付粒生菜- 炸豆付比較硬身, 生菜身鮮, 但配搭有些怪
3. 洋蔥橄欖粟米- 味最濃, 栗米加了酸醋, 蕃茜, 洋蔥, 青紅椒. 好清爽開胃
這個三式沙津份量真係好大, 男性食就會剛剛好, 女士們基本上未必食得完成份, 五欵那set我諗可以分二餐食.
 |
| 份量夠 |
 |
| 好多菠菜 |
個沙津食到一半個蛋派就送到, 個份量又係好大. 睇表面個派有些乾身, 切開一半睇清楚個內胆, 有好多菠菜, 相對蛋同芝士比例就較小. 食一口發覺口感有些乾硬, 尤其表面那層, 蛋香味亦不足, 不過就有些少芝士香味.
沒有留言:
發佈留言