素食之旅二 CafeO＠Midlevel

五月三十一日   晴


上回提到, 因為身體暴漲, 決定用素食方法修身.  今日係第ニ日, 決定去Cafe O. 

素食之旅第二站

環境清爽乾淨

早餐都幾貴

九折卡

這店多年前已有光顧, 喜歡佢對健康飲食的堅持及態度, 寧願加價都要為持食品質數. 反觀現在香港地太多食店只會將貨就價, 實在缺乏遠見.  不過如果不是以健康先決的心態來光顧又真係會覺得幾貴.  現世代想得到健康已經不同以前, 係要付出代價.......

可能好耐冇來, 發覺我的至愛beetroot salad 消失了.  無耐之下最後點了香草蕃茄湯, 素菜千層闊麵及一枝礦泉水.

夏威夷真係有咁多泉水？

簡簡單單

照例麵包餐湯先上.  麵包比較普通, 但個湯就相當不錯, 一飲就知係新鮮蕃茄打成, 再用香草吊味, 湯身夠杰, 非常濃郁.  不過此湯或會有人覺得不夠鹹而不滿.  Sorry! 不夠鹹請自已落鹽, 健康食品就係這樣.

有些似商務客位餐

内胆

飲完個湯千層闊麵就上枱, 食物賣相都幾對板, 但個碟就令我諗起飛機餐.  沙律菜係新鮮貨色, 醬汁係用mayo加英式芥末整成, 味道只係中規中矩.  闊麵切開發覺素菜只有青瓜及茄子, 份量不多, 有小小失望.  麵上的醬汁味道有些似之前食個湯但係就比較杰, 至於闊麵口感就不錯, 都幾in-un.

整體來講食物質數及環境都算令人滿意, 如果個闊麵有多些素菜就會更加吸引.