劉森記＠深水埗

三月三日   天晴有煙霞


今日去了黃金買書, 順道去劉森記食飯.

欵式好似好多

今次來了新鋪, 雖然都係坐得不舒服, 但環境就衛生得多.  一向對這家的竹昇麵印像麻麻, 但水餃同牛根我就覺得出色, 最後揀了一碗淨水餃同一碟油菜.

夠晒大粒

水餃好快上枱, 試一口湯, 蝦子湯底夠鮮夠熱, 水準伊舊.  我喜歡這處水餃係因為貪佢大粒, 蝦夠大又新鮮, 木耳多筍條多, 所以口感好好, 爽口非常. 

夠大碟

油菜上得比較遲, 今次叫了芥蘭, 色水對板.  食了一條, 菜灼得過火了一點, 有些淋, 至於蚝油...都係算把啦.  劉森記就係這樣, 油菜水準成日都不穩.