今朝心血來潮想食粥, 即時飛的落陳全記, 點知佢冇開, 生記又冇開, 又不想去羅富記, 萬念俱灰下唯有坐巴士返屋企. 經過西營盤見到這店, 外觀算不錯, 就急急落車試試佢.
這店冇記錯應該開業冇耐, 望望餐牌原來佢不只賣粥, 連晚飯小菜都有供應. 而且見佢門口有寫二十四小時營業, 又有電視睇, 真係不只一般粥店簡單.
叫了一碗艇仔粥加炸兩, 後者先上. 一睇就知出事, 粉皮太簿且乾身, 有部份甚至已斷開. 咬一口, 油條好硬且凍, 應該係整定了一段時間, 食到一半已經放棄.
粥睇落幾綿, 料亦算多, 不過料太碎, 而且食到好多肉絲, 比例上有點不倫不類. 粥低算杰, 口感幾滑, 不過似落了米䊢. 食後冇耐師父己發功.
埋單三十二, 如此質數, 甚感不值......
沒有留言:
發佈留言